VIGAN CITY – Isayangkat ti City Government of Vigan iti City Mass Wedding inton October 18, 2022 iti alas otso iti bigat idiay Vigan Convention Center.
Allukoyen ti City Government dagiti interesado a Bigueño couple nga addan ti legal a tawen iti panagbisitada iti City Civil Registrar’s Office wenno City Social Welfare and Development Officer para iti detalye.
Dagiti requirement para iti marriage license iti Civil Registrar Office ket rumbeng a ti maysa kadagiti couple ket agnaed iti Vigan City, mangitugot nga agpada iti birth certificate cenomar para kadagiti agtawen iti duapulo, parental consent para kadagiti agtawen iti sangapulo ket walo agingga duapulo, death certificate iti natayen nga asawa, divorce wenno annulment paper para kadagiti aplikante a datin a nagkasar, certificate of legal capacity to contract marriage para kadagiti citizen iti sabali a pagilian,ken atendaran ti pre-marriage counselling seminar.
Dagtii met required documents iti simbaan ket ti birth certificate dayta man ket LCR wenno PSA, cenomar, updated tithing wenno dagiti nagannak wenno dagiti couple nu addaan ti agsina a card, marriage license wenno marriage certificate civil, updated baptismal certificate nga adda annotation-na, seminar a pakipasetan ti umuna a Sabado ken Domingo iti kada bulan, ken 2×2 picture.
