Siam ti natay iti napasamak a mass shooting iti maysa a pagadalan idiay British Columbia, Canada.
Kinumpirmaran ti Royal Canadian Mounted Police a dagiti biktima ken ti suspek a gunman ket nasarakan nga awanen ti biag-da ket mapapati a self-inflicted ti nasagaba da a tama.
Innem a bangkay ti biktima ti nasarakan iti uneg ti Tumble Ridge Secondary School, dua ti narekobre ti asideg iti maysa a residential property, ken maysa ti natay bayat a naipan iti balay pagagasan.
Kasaruno ti krimen, naipaserra ti Tumbler Ridge Secondary School ken Tumbler Ridge Elementary School para iti maysa a lawas.
Kabayatanna, nakipagrikna met ni British of Columbia premier David Eby kadagiti pamilia ti biktima gapu ti napasamak nga insidente ken impasigurado na ti suporta para kadagiti apektado a komunidad.
