--Ads--
Plano dagiti simbaan ti Ilocos Sur ti mangisayangkat iti mass protest kontra iti mapapati a pannakapalawa iti sakup ti dreding operation iti probinsia.
Iti pannaki-uman ti Bombo Radyo Vigan ken ni Rev. Fr. Cosmenio Rosimo, makitaripnongda kadagiti civil sector tapno sangsangkamaysadanto a mangipeksa iti panangkontrada iti nasao nga addang gapu iti pangtana iti aglawlaw ken kadagiti agindeg.
Ingunamgunam ni Rosimo nga uray adda patanganda idi kadagiti mangisaysasayangkat iti operasion ket saan ida a naindengan ken nayaleng-aleng dagiti arungaingda.
Mangnamnama ti nasao a padi a babaen iti pannakikaysa dagiti maseknan ket maaddaan ti insigida a protesta kontra iti peggad a mabalin nga itunda ti dredging.
-- ADVERTISEMENT --
