VIGAN CITY – Naiparit ti mass gatherings iti ili ti Bantay babaen ti naiparuar nga Executive Order No 45 kas panangsurot iti Department of the Interior and Local Government Memorandum Circular No 2021-058 a napetsaan iti May 31, 2021.
Gapu ti dayta, masapul ti nainget a pannakaipatungpal ti minimum health standards iti ili babaen ti panangbantay a nasyaat dagiti kapitan ti barangay iti masakupanda.
Dagiti barangay ket masapul nga adda iti Covid19 Operations Center da ken Barangay Tanod Health Protocols a mangipatungpal iti surveillance, monitoring, ken mangireport no kas man bilang adda dagiti public gathering a pakairamanan ti agiinom, sabong, tupada, fiesta, beauty contest, parada, cultural festival ken dadduma pay a recreational activities.
Limitado laeng iti family memberkadagiti natayan a rebbengna nga agpaot laeng iti uppat nga aldaw.
Dagiti opisial a saan a sumurot iti nasao a paglintegan ket sumango iti kaso nga administratibo.
