Inwaragawag ti Katoliko a padi a karaman kadagiti nangipila iti impeachment complaint kontra ken ni Vice President Sara Duterte idi Disyembre nga addanto mass action kontra iti postponement ti trial iti bise presidente ken ti pananggandat a maibasura ti impeachment.
Segun ken ni Fr. Flavie Villanueva, masapul nga akman dagiti senador ti constitutional duty-da ken ituloy ti impeachment trial ni Duterte.
Innaon ni Vllanueva nga adda protest march, vigil, ken march idiay Senado inton bigat agingga June 11, a maudi a session day ti Kongreso.
Ti aktibidad ket inorganisa ti Kalipunan ng Kilusang Masa, Nagkaisa Labor Coalition ken Tindig Pilipinas a buklen dagiti grupo ken indibidual a nagipila iti umuna ken maikatlo nga impeachments complaint kontra ken ni Duterte.
Ni Villanueva ti president ken founder ti Paghilom Empower and Advocacy Program a tumulong kadagiti pamilia dagiti biktima ti war on drugs ni dati a Presidente Rodrigo Duterte.Mass actions ikakasa sa pagtulak ng impeachment trial ni VP Sara
