VIGAN CITY – Nadunor iti gurong ti maysa a masikog a babai idiay Brgy.Bantugo, Nagbukel ta aksidente a napaltugan idi July 31.
Segun kenni Police Captain Gabriel Labador, hepe ti Nagbukel Municipal Police Station, umininom iti arak ti suspek a ni Rico Ancheta Capa nga agtawen ti tallo pulo ken dagiti kakaddua na idin napan na innala iti sling bag iti pagtaengan da Madelyn Siobal Cabang nga agtawen ti duwa pulo ket duwa a nakaisab-it iti pader.
Gapu ta mapapati a nabartek ti suspek, naregreg na iti sling bag na isu a pimmtuok ti caliber 22 magnum revolver a nagyan na ket aksident a natamaan ni Cabang isu a nadunor ti gurong na.
Pinasingkedan met ni Labador a natalgeden iti kasasaad ti biktima ken addan iti nagsaritaan iti nagbaetan iti pamilya ti suspek ken biktima a saanen a maidarum ti suspek.
Ngem iti biyang ti kapulisan, maipila latta iti kaso a panaglabsing ti Republic Act 10591 wenno panagikot iti illegal a paltog kontra ti suspek ta naduktalan a ti paltog nga ikot na ket saan a lisensyado.
