--Ads--
VIGAN CITY – Pormalen a nagleppas idi rabii, December 31, ti Martial Law idiay Mindanao kalpasan ti dua a tawen ken pito a bulan a pannaka-iyimplimentar na.
Saanen nga insingasing ti Department of National Defense ken ni Presidente Rodrigo Duterte a mapawaywayan pay ti Martial Law idiay Mindanao ta nagsardengen iti riribok idiay Marawi City, Lanao del Sur ken dadduma pay a lugar idiay Mindanao.
Natalek ti DND nga agtalinaeden iti linak ken talna iti nasao a rehiyon.
Naipatungpal ti Martial Law idi May 23, 2017 gapu iti panagraut dagiti Maute- ISIS Terror Group idiay Marawi City.
-- ADVERTISEMENT --
