Marjorie Barretto, nagturpos iti kolehio iti tawenna a 51

Iti tawenna a limapulo ket maysa, natungpal ni Marjorie Barretto ti nabayagen nga arapaapna nga agturpos iti kolehio.

Impakita ni Marjorie iti social media ti emosyonal a panagsublina nga agadal nga idi ket inlaksidna pay laeng para iti showbiz, panagbalin nga ina, serbisyo publiko ken negosyo.

Nagyaman ti aktres iti Philippine Women’s University ken ti gayyemna a ni Ruffa Gutierrez, a nagbalin nga inspirasyonna nga agsubli nga agadal.

Segun ken ni Marjorie, ti kaadda dagiti annakna iti aldaw ti graduation-na ti kapatgan kenkuana.