Nagpanawagan ti maysa a maritime expert iti publiko nga iprotesta ti impablaak ti China nga AI-generated video a nangiladawan kadagiti Pilipino kas sunggo.
Iti pannaki-uman ti Bombo Radyo Vigan ken ni Atty. Jay Batongbacal, makapapungtot ken makapainsulto ti inaramid ti China isu a saan a mabalin a ti laeng gobierno ti agtignay iti kastoy a panangtagibassit ti China iti Pilipinas ta nasken a maipakita kadakuada a dagiti Pilipino ket nasaysayaat nga amang.
Innayon ni Batongbacal a ti inaramid ti China ket panangipakita no ania ti pudno a kinataoda – naulbod ken managpammarang, gapu iti panangtagibassit ken panang-dehumanize-da kadagiti Pilipino.
Nupay kasta, inallukoy ti nasao a maritime expert dagiti umili a takderan no ania ti linteg, saan a mamati wenno mabuteng ta uray no basbassit a pagilian laeng ti Pilipinas ket nangatngato ti lebel dagiti Pilipino kontra China.
