Imbilin ni Presidente Ferdinand Marcos kadagiti maseknan nga ahensia ti gobierno a bantayan ti saan a nainkalintegan a panagpangina ti presyo dagiti produkto ken serbisyo.
Segun ken ni Presidente Marcos, adu ti nakitana a panagpangina ti presyo dagiti produkto ken serbisyo ngem saan met a ngimmina ti presyo ti langis.
Ballaag ti presidente nga awan ti rason tapno patungan dagiti presyo ta stable ti world pricing ti langis uray kalpasan ti ceasefire.
Maibilang a price gouging ti saan a nainkalintegan a panagpangina ti presyo dagiti kangrunaan a magatang ken napapateg a serbisyo, nangruna ita a panawen ti krisis.
Nangituding metten iti Suggested Retail Price ti Department of Trade and Industry para kadagiti kangrunaan a produkto agraman dagiti delata, bottled water, gatas, ken dagiti masansan a maaramat iti uneg ti pagtaengan wenno kusina.
