--Ads--
Kayat ni Presidente Ferdinand Marcos Jr a masulbar dagiti parikut ken karit iti pannakaipatungpal ti zero balance billing system.
Iti panagsarita ti presidente kabayatan ti panagiwarasan iti patient transport vehicles idiay Ormoc City, Leyte, nadakamatna a nakangngeg iti karit a napasaran dagiti pasyente, agraman ti atiddug a pila kadagiti ospital.
Segun ken ni Marcos, mapanto iti ospital idiay Tacloban City tapno personal a kitaen ti pannakaipatungpalna.
Kas paset iti zero balance billing system, kinuna ni Marcos nga itultuloy ti gobierno ti mang-accredit kadagiti pharmacy tapno awanen ti bayadan dagiti pasyente kadagiti agasda.
-- ADVERTISEMENT --
