Umaboten iti P1 trillion iti gatad ti delayed projects iti tallo a tawen nga administrasyon ni President Ferdinand Marcos Jr. isu a masapul iti panangiduron sakbay iti panagbabana iti puesto iti mid-2028.
Dagiti record ket naala ni dati nga Albay second district congressman Joey Salceda manipod iti Portfolio Review iti pagilian nga official development assistance funds, a gappuanan ti panangisingasingna ti maysa nga istratehiya a mangpadaras iti implementasyon dagiti naisanud a proyekto.
Segun ken ni Salceda, ti aktibo nga ODA portfolio iti pagilian ket umabot iti $39.61 billion babaen ti $24.81 billion a nailatang para iti imprastraktura.
Iti isu met la nga ODA report, pitopulo ket dua a porsiento iti inaprubaran ti ODA projects iti na-delayed babaen ti average setbacks nga umabot iti tallopulo ket siam a bulan wenno nasurok tallo a tawen.
Insingasingna ti pannaka-adaptar iti Project Readiness Index, maysa a technical scoring tool a maka-assess iti implementation readiness kas maibasar iti right-o-way access, detailed design completion, procurement progress, budgeting programming ken staffing.
