Pinasingkedan ni Presidente Ferdinand Marcos Jr a dagiti pito nga indibidual a karaman iti flood control project anomalies ket addan iti kustodia dagiti pannakabagi ti linteg kagiddan ti panangallukoyna kadagiti dadduma nga adda arrest warrant-na a sumukon.
Segun ken ni Marcos, maysa ti natiliw ti National Bureau of Investigation, idinto nga innem ti boluntaryo a simmuko iti Criminal Investigation and Detection Group.
Adda pay dua a nangipeksa iti kalikagumna a sumuko ken agdama a makikamkammayet iti PNP-CIDG para iti isusukoda.
Kangrunaan a dakdakamaten ti presidente ni Department of Public Works and Highways-MIMAROPA engineer Dennis Abagon a nakemmeg idi Domingo iti pagtaenganna idiay Quezon City.
Dagiti nakemmeg a dua pay a sabali ket gapu iti mapapati nga obstruction of justice.
