Agisuot iti detainee shirt ken protective vest ni Senador Rodante Marcoleta iti naituding a panangipanda kenkuana iti Philippine General Hospital, segun iti Philippine National Police.
Imbilin ti Sandiganbayan Third Division a maipan ti senador iti PGH idiay Manila para iti medical examination tapno maammuan no kasapulan pay nga agtalinaed a naka-confine kabayatan a sumangsango iti kaso a plunder.
Segun ken ni PNP Public Information Chief Col. Allen Rae Co, maisubli ni Marcoleta iti PNP General Hospital kalpasan ti medical examination.
Nakemmeg ni Marcoleta idi Hulyo 6 gapu iti kaso a plunder gapu iti mapapati a saanna a panangideklara iti P75 milion a campaign donation idi 2025 midterm elections.
Naka-confine met ita iti PNPGH kalpasan a nakarikna iti panagsakit iti barukong ken nangato a blood pressure.
