--Ads--
VIGAN CITY– Mapapati a kimmappeng iti New People’s Army ti babai a menor de edad idiay Abra a tallo a bulanen a mapukpukaw.
Iti pannakiuman ti Bombo Radyo Vigan kenni Lt. Col. Thomas Dominic Baluga, commanding officer ti 24th Infantry Batallion , nagpatulong kadakuada iti ina ti menor de edad a taga Pacgued, Malibcong, Abra gapu ta mapukpukaw ti anak na nga agtawen ti 17.
-- ADVERTISEMENT --
Segun kenni Baluga, maibasar iti testimonya ti ina ket pinilit dagiti rebelde nga innala iti anak na idi Marso kalpasan iti engkwentro idiay Malibcong ngem saanen a nakasubli.
Namnamaen iti opisyal a sibibiang pay ti menor de edad ken maisalakan da tapno maikkan iti gundaway nga agbalbaliw.
