VIGAN CITY – Mapatta-patta a PHP28K ti natakaw manipud iti beauty clinic idiay Barangay Vacunero, Sto. Domingo a kukua ni Elsa Palaming.
Iti pannaki-uman ti Bombo Radyo Vigan ken ni Palaming, adda isuna iti likudan ti puestoda idin ta nangngegna nga agar-ariwawa ti annakna a mangiyi-ikkis a natakawanda.
Ket idi simrek iti uneg ti clnic da, nakitana dagiti agkaiwaran nga alikamen kasta payen ti naibaba a laptop.
Pwinersa pay ti suspek a dadaelen ti rikep ti arwangan ti kuarto nga ayan ti maysa nga anakna a babai ken ti apona ngem saan a nagballigi.
Atapenda a dua wenno tallo a suspek ti nangaramid iti nasao a panagtakawan kasta payen a patienda a posible nga iti tawa ti simrekanda.
Maysa kadagiti pakabalbalawan ti akinkukua no apay nga ammo ti nagtakaw nga adda karga ti kahada.
Iti agdama, agtultuloy ti panangduktal dagiti pannakabagi ti linteg inaig ti napasamak.
