VIGAN CITY– “ Ti pannakalugi ti NFA ket panangipakita ti pudno a panagserbi ti ahensya kadagiti umili a saan ket di a gapu ta saan nga usto ti panangimanehar dagiti opisyal” dayta ti inpaganetget ni NFA spokespeman Gerry Imperial kalpasan a saan nga inapprubaran ti senate sub-committee on finance ti insingasing da a pondo para inton umay a tawen.
Ti pannakiuman ti Bombo Radyo Vigan, inlawlawag ni Imperial a ti ibagbaga da a pannakalugi ti ahensya ket resulta iti panangtulong ti NFA kadagiti umili nangruna no adda ti didigra ta lukatan da ti bodega da tapno mangiparuar ti bagas ken isuda pay ti manggatang iti produkto dagiti mannalon no nababa ti presyo.
Kinontra pay ni imperial ti gakat a mapagbalin a pribado ti NFA ta no kontroladon ton ti pribado a kompanya ti ahensya ket saan a masigurado nga agtalinaed a nababa ti presyo ti NFA rice kadagiti sumarsarano a tawen .
Maipalagip a saan nga inapprubaran ti senate panel ti naisingasing a pito a bilyon a pisos a pondo ti NFA ta inbilin ti chairman a ni Sen. Cynthia Villar a simpaen da pay ti sistema da sakbay a maapprubaran.
