VIGAN CITY – Uppat a pulo ket pito a dati a supporter dagiti communist terrorist groups a naggapu idiay Suyo ken Salcedo iti dimmalan ti briefing kalpasan a simmuko da idi February 18 kadagiti kameng ti 81st Infantry Battalion, Philippine Army idiay Bugbuga, Sta. Cruz.
Ibilang ni Police Captain Roger Baling-oay, hepe ti Sta. Cruz municipal police station, a biktima dagiti uppat a pulo ket pito a dati a supporter dagiti rebelde a New People’s Army ta gapu iti amak da a madangran ket awan iti mabalin da nu saan nga ited iti daw-dawaten dagiti mapmapan nga armado a tattao kadagiti lugar da.
Inpasigurado ni Baling-oay a dagiti simmuko a dati a supporter dagiti rebelde ket makaawat da iti naan-anay a tulong, saan laeng a dagiti aggapu ti local government unit ngem ketdi adda pay dagiti aggapu kadagiti national agency kas ti Department of Social Welfare and Development ken Technical Education and Skills Development Authority a kas paset iti programa ti agdama nga administrasyon nga End Local Communist Armed Conflict (ELCAC).
Idi naminsan nga aldaw ket tallo pulo ket maysa met laeng a dati a supporter dagiti rebelde a taga- Sta. Cruz iti nagsapata a saan dan a tultulungan dagiti rebelde nga umasideg kadakuada idiay Municipal Cultural Tourism and TradeCenter, Poblacion Weste, Sta Cruz babaen iti panangidaulo ni Municipal Mayor Teresita C. Valle.
