Nangiwayat ti Narvacan Police Station iti search warrant operation iti pagtaengan ti maysa a mangngalap a taga-Narvacan, Ilocos Sur.
Ti search warrant ket imparuar ti Vice Executive Judge ti RTC Branch 9 Family Court, Narvacan, napetsaan iti August 28, 2025.
Awan ti nasao a mangngalap idi maisayangkat ti operasyon ngem nakaala dagiti pannakabagi ti linteg iti ebidensya.
Dagiti drug evidence ket pakairamanan ti nasurok kumurang 0.72 grams ti mapapati a shabu nga aggatad iti P4,896 a naikabil iti maysa a heat sealed plastic transparent sachet ken nasurok-kumurang 37.98 grams ti mapapati a napagango a bulong ti marijuana nga aggatad iti P4,556 a naikabil iti maysa a transparent zip lock ken tallo a heat sealed transparent plastic sachet.
Dagiti non-drug evidence ket pakairamanan ti maysa a transparent plastic sachet a naglaon iti maysa a natukkol a cigarette stick a naglaon iti mapapati a napagango a bulong ti marijuana, plastic bag, lighter, cigarette pack, transparent plastic a naglaon iti walo nga empty shell para iti caliber 5.56 ken maysa nga slug iti mapapati a 9mm.
Adda pay maysa a caliber 22, tallo a piraso ti live ammunition para iti caliber 45, dua a piraso ti empty shell para iti caliber 45, maysa a homemade caliber 22 ken innem a piraso ti live ammunition para iti caliber 22.
