--Ads--
Binilin nga insigida ni Vigan City Market Supervisor Harold Dela Cruz iti inspector nga imbestigaranna ti mapapati a napasamak a panagtakawan iti tiendaan kangrunaan iti fish section.
Awan ti pormal a naireport kadakuada ta nakitada laeng a naipost iti social media babaen iti agbambantay a natakaw ti malaga nga ilaklakoda, ken adda laeng lima a piraso a naibati.
Iti pannaki-uman ti Bombo Radyo Vigan ken ni Dela Cruz, gapu iti pasamak ket singasingna a nasapsapa a mairikep ti aruangan tapno maliklikan dagiti agtatakaw.
Nupay kasta, al-allukoyenna dagiti aglaklako a no adda mapasamak a panagtakawan wenno ania man a parikut iti inda panaglako ket mapanda agreport iti opisinana tapno insigida a matignayan, saan nga ipost laeng iti social media.
-- ADVERTISEMENT --
