VIGAN CITY – Agtultuloy iti imbestigasyon iti Santiago Municipal Police Station inaig iti mapapati a panagserrek iti maysa a pagtaengan idiay Brgy. Butol, Santiago.
Napasamak ti insidente ti panagtakawan iti pagtaengan ni Freddie Molina Gallebo.
Iti pannaki-uman ti Bombo Radyo Vigan kenni PLt. Godofredo Ribuyaco, iti oras iti alas dos baente idi March 8 ket napan immisbo ti bisita ni Freddie a ni Charwen Gallebo ngem idi nalpas ket luktannan iti rikep nakitana ti ima nga adda iti tawa a manggawgaw-at iti bag.
Gapu ti dayta, insigida nga inayaban ni Charwen ti dua a kakabsatna a mamaturog iti salas ket inkeddengda a suroten iti ruar iti pagtaengan ngem mapapati a nakanggegda iti putok iti paltog manipod kadagiti suspek isu a saandan nga intuloy pay a sinurot ken nagsublida laengen iti uneg iti pagtaengan gapu iti butengda.
