VIGAN CITY – Agtultuloy iti imbestigasyon iti napasamak ti mapapati a panagtakawan iti maysa a warehouse idiay Puspus, Bantay.
Iti pannakipapatang ti Bombo Radyo Vigan ken ni PMaj. Pol Arreola, nakaawatda iti tawag manipod ken ni Brgy. Captain Alexander Cariño iti nasao a lugar nga adda nangipakaammo kadakuada a concerned citizen iti pannakakitada ti nakalaylay a tali iti Emperador Distillers Inc. Warehouse.
Iti panagimbestigarda, naamoan nga adda naabotan a paset ti isim a mapapati a nagdalanan dagiti mapapati nga agtatakaw ket iti mismo uneg iti warehouse, adda iti nakita a mantsya iti dara ngem naideklarar nga awan ti mapukpukaw iti nasao a pasdek.
Nupay kasta ket naakaawat pay dagiti pannakabagi ti linteg ti report manipod Candon City Hospital nga adda iti maysa a lalaki a napan a nagpaagas ket naamoan nga adda tamana a paltog isu nga imimbestigaranda iti nasao a pasamak.
Nupay kasta ket naala iti crime scene iti dua a live ammunitions, dua a cardtridge cases, dua a crowbars, maysa a bolt cutter, dua a metallic fragments, maysa a bonnet, maysa a lighter, maysa a holster ken maysa a backpack.
