--Ads--
VIGAN CITY – Im-imbestigaran dagiti pannakabagi ti linteg iti Cabugao Municipal Police Station ti mapapati a panagbekkel ti maysa a lalaki idiay Brgy. Bonifacio.
Nabigbig ti biktima a ni John Bryan Esguerra, agtawen ti tallopulo ket maysa nga agnaed iti nasao a lugar a nasarakan ti kaanakanna a ni Angelo Crisan Esguer a nakaibitin iti uneg ti pagtaenganda babaen iti tali ti tengngedna.
Naitaray iti ospital ti biktima ngem naideklaran a dead on arrival.
Naduktalan pay a ti biktima ket adda parikut iti panagpampanunotna ngem nupay kasta ket nabilinen ti Scene of the Crime Operatives a mangkita iti nakapasamakan ti krimen.
-- ADVERTISEMENT --
