Im-imbestigaranen ti Department of Public Works and Highways ti Abra mainaig iti mapapati a binilion a piso nga anomalia ken kickback kadagiti proyekto a pang-imprastraktura.
Segun ken ni Vince Dizon, adda pakpakauna a naduktalan iti internal probe ngem awan pay ti nairuar a detalye ken awan pay ti direkta a binnulig kadagiti immuna nga imbestigasion ti Kongreso ken ti Independent Commission for Infrastructure.
Nairaman iti patangan ti nagan ni dati nga Executive Secretary Lucas Bersamin, a nangilibak iti iregularidad.
Kabayatanna, adda met dagiti kompania a konektado kadagiti proyekto iti rehion a na-freeze ti assets gapu iti mapapati a ghost project.
Agar-aramiden ti DPWH iti baro a manual para iti mountain road engineering tapno sumayaat ti pannakaipatungpal dagiti proyekto kadagiti kabambantayan.
