VIGAN CITY – Inlawlawag dagiti biktima ti mapapati a pananglimlimo a naka-pay out da pay sakbay iti saanen a panangikaskaso kadakuada ti suspek a polis a nangallukoy kadakuada a makipaset ti “doble kita”.
Iti pannaki-uman ti Bombo Radyo Vigan ken ni Marjorie Rapacon, maysa kadagiti biktima, pinatina ni Police Staff Sergeant Habatha Tahani Aytalin Al Shani, PNP member iti Vigan City Police Station a taga-Barangay San Julian Norte, Vigan City ta batch-na idi high school ket natalek a saan nga scam ti serkenna isu nga immannugot iti “doble kita” a wagas tapno maaddaan ti nayon a kuarta.
Segun ken ni Rapacon, saan a nagdudua isuna a simrek ta pulis ni Al Shani ket nangted idi December idi napan a tawen ti P3,000 a pagrugianna ket kalpasan laeng ti tallo a lawas ket naipay-out nan dayta.
Gapu ta adda iti kuarta a simrek kenkuana intultuloyna agingga nagrecruit kadagiti amammona tapno maaddaan isuna ti insentibo ta nu adda lima a maayabanna ket maaddaan isuna ti P5,000 idinto a nu adda sangapulo a tattao ket maaddan isuna ti P15,000 isu a nay-ayo.
VC – MARJORIE RAPACON
Narecruit ni Rapacon dagiti agkabsat a da Rosalinda ken Richelle Padua nga agpada nga agnaed idiay Cabuloan, Sta. Catalina isu a nakaala pay ti insentibo iti dayta ngem napalabas pay ti mano nga aldaw sakbayna a naala ta maitantan a kanayon ti panangiyawat ti pulis ti kuartana.
Pinasingkedan ni Rosalinda nga umabot iti P31,000 iti naala kenkuana ti pulis manipod idi narecruit-da ket uray dagdagenda iti panangalada ti kuarta ket ipabigatna latta isu a nagduduadan.
VC – ROSALINDA PADUA
Saan laeng nga isuda iti nabiktima ta kinuna pay ni Richelle Padua a kabsat ni Rosalinda nga adda pay ti sabali a na-recruitna a sangapulo a tattao ket mabainen ti nakairamannanna nga scam isu nga immanamongen nga ipakaammo kadagiti otoridad ti inaramid ti policewoman kadakuada.
Umabot met iti P64,000 iti naala manipod ken ni Richelle isu a parikotnan ti nasao a banag ta kasapulanna pay iti kuarta ita a gundaway.
VC – RICHELLE PADUA
