Idurduron ti Election watchdog a Kontra Daya iti Commission on Elections a maipatungpal ti manual ballot counting uray adda ti automated counting system para iti May 2025 national and local elections.
Iti pannaki-uman ti Bombo Radyo Vigan ken ni Kontra Daya convenor Danilo Arao, nasken a maadaptar ti hybrid approach tapno masigurado ti transparency.
Numan pay nabaybayag ti transmission, kinuna ni Arao a nasaysayaat no mano-mano tapno ma-counter check wenno makita a nasayaat, ta saan a mabalin nga italek laeng ti resulta iti makina.
Innayonna pay a nasken a dagiti ballot images ket accessible iti publiko para iti manual verification.
Nagpanawagan met ti grupo iti COMELEC a tignayan dagiti panagswitikan a maar-aramid ita nga umadani iti eleksyon kas iti vote buying, red tagging, ken dadduma pay nga iregularidad.
