Pinaglibakan ni dati a senador Manny Villar ken chair ti Villar Group dagiti alegasion a karaman ti Villar Land Holdings Corp. kasaruno ti panagipila ti reklamo ti Securities and Exchange Commission (SEC) nga agdama a suksukisoken ti Department of Justice (DOJ).
Ti nasao a reklamo ket gapu iti maipagarup a market manipulation, insider trading, ken misleading disclosure a nakaapekto ti presio ti shares ti kompania ken manglimlimo iti publiko.
Pinasingkedan ni Villar nga awan ti naawat na a kopya ti reklamo isu a limitado laeng ti ammo-na iti kaso ket innayonna a ti DOJ ti mangikeddeng no agisayangkat ti preliminary investigation.
Impaganetget ti dati a senador a dakkel ti kredibilidad ken track record ti kompania-na a mangipakita no kasano kapateg ti reputasion ti darakkel a kompania.
Innayon pay ni Villar a ti integridad ken panangsurot iti linteg ti kanayon na a panpanunoten para iti karera-na.
