--Ads--
Indaulwan ni Manny Pacquiao ti pannakairusat ti maysa a baro a professional sports league iti pagilian para iti ay-ayam a pickleball.
Maawagan a Maharlika Pilipinas Pickleball Tour ti liga a manamnama a mairusat ita a tawen ken palubosan ti Games and Amusements Board kas maysa a professional competition.
Segun ken ni Pacquiao, gagem ti liga a maikkan iti dakdakkel nga oportunidad dagiti atleta a Pilipino tapno maipakita ti talugading ken makaitedda iti pakaidaydayawan iti bukodda a siudad ken probinsia.
Innayon ti boxing icon nga uray baro pay laeng ti pickleball iti Pilipinas, napaspas a nabigbig gapu ta adu dagiti nalaing a player iti pagilian.
-- ADVERTISEMENT --
