Maipariten nga agilugan kadagiti Filipino seafarer ti manning agency ken shipping owners dagiti barko a nairaman iti agsasaruno a Houthi attacks idiay Yemen.
Dagiti kangrunaan a karaman ket ti MV Majic Seas ken ti MV Eternity C iti agsaruno a panagatake iti Houthi.
Ti addang ket impakaammo ni Department of Migrant Workers Sec. Hans Leo Cacdac kalpasan a nadismaya iti panaglabsing ti manning agencies ken ship owners iti pagannurotan ti DMW a mangiparparit iti panagbiahe dagiti Filipino seafarer iti Red Sea ken Gulf of Aden.
Immunan nga inatake iti Houthi rebels idiay Red Sea idi Domingo ti MV Majic Seas a nakaisalakanan dagiti sangapulo ket pito a Filipino seafarers ken simmaruno itay bigat iti MV Eternity C nga adda nakalugan a duapulo ket maysa a Pinoy crew.
Saan pay nga ammo nu karaman iti dua a mapukpukaw ken dua a nadundunor iti sumagmamano a Pilipino.
