VIGAN CITY – Impasigurado ni Governor Ryan Singson ti tulong nga ipaay ti provincial government kadagiti mannalon ti tabako a nalaylay ti mulada gapu ti napigsa a tudo idi kallabes.
Iti pannaki-uman ti Bombo Radyo Vigan ken ni Gov. Singson, masapul laeng a siguradwen dagiti apektado a mannalon nga ipakaammoda nga insigida iti Agriculture office tapno nadardaras ti pannakaited kadakuada iti tulong.
Nagyaman met ti gobernador kadagiti mayor a timmulong kadagiti kalugaranda isu nga impanamnamana ti panagpasyarto ti provincial government nga umay agited iti tulong kadagiti agkasapulan a mangngalao ken mannalon.
Iti agdama, ad-adalen ti Provincial Agriculture Office ken mayur-uray ti report manipud ti Department of Agriculture tapno ma-assess ti tunggal mannalon.
