Nakemmeg ti maysa a mannalon gapu ta pinaltogan na ti pada na a mannalon nga immuna a naipadamag a nasarakan nga awan ti biag-nan a nagsagaba ti tama ti paltog iti paset ti ulo-na, idiay Barangay Lintic, Banayoyo, Ilocos Sur
Ti biktima ket agatwen ti innem a pulo, residente ti Brgy. Casilagan, Banayoyo, idinto a ti suspek ket agtawen ti uppat a pulo ket maysa, residente ti Baranagay Lintic, iti isu met laeng nga ili.
Basar iti imbestigasion, imbaga ti suspek a pinaltugan na ti biktima iti beranda ti pagtaengan na iti oras ti alas-12:01 ti parbangon idi Hunyo 17 bayat a matmaturog.
Segun ti suspek, daan a susik ti motibo wenno rason ti panangpaltog na ti biktima.
Boluntario nga insuko ti suspek ti paltog a naaramat iti insidente a maysa daytoy .45 caliber pistol, loadaed ti maysa a magazine ken naglaon ti walo nga live ammunitions
Ti suspek ket addan iti kustodiya ti Banayoyo, Municipal Police Station para ti naan-anay nga imbestigasion.
