VIGAN CITY – Nagsagaba ti tama ti bala iti bukod ti biktima iti pammaltog idiay Cadanglaan, Magsingal, Ilocos Sur.
Segun ken ni PMaj. Joel Castillo a hepe ti Magsingal Municipal Police Station, mapapati a shotgun iti naaramat a panangpapatay ti saan pay a nabigbig a suspek iti biktima a ni Renato Jimenez Tabbal, agtawen ti uppat a pulo ket pito, naasawaan, mannalon nga agnaed idiay Brg. Lao-ingen, Sto. Domingo, Ilocos Sur.
Maibasar ti inisyal nga imbestigasyon ti PNP, napan iti kabanbantay a sakupen ti nasao a lugar ti biktima a nakapasagad ta agala koma ti kayo idin adda nanggeg nga uppat a putok ti paltog dagiti agindeg.
Segun ken ni Castillo, nairana a simmalog ni Ronalyn Parbo isu a nakitana ti biktima nga awanen ti biagna ken nagsagaba iti tama ti bala isu nga impakammona kadagiti otoridad.
Kabayatanna, agtultuloy nga amamwen dagiti pannakabagi ti linteg iti motibo ti pammaltog.
