Maysa a mannalon ti nasarakan a natay idiay Sitio Binayugan, Barangay Lintic, Banayoyo, Ilocos Sur.
Ti mannalon ket agtawen iti limapulo ket uppat, agnaed iti nasao a lugar.
Segun iti putot ti nasao a mannalon, nakainom ti amana ken pimmanaw iti pagtaenganda iti alas sais iti rabii a napan iti Babuyan – sangapulo ket lima a metro amianan a laud iti pagtaenganda, ket masansan idiay nga agin-indayon.
Alas otso iti rabii, napan kinita daytoy ti putotna ngem nasarakanda a nakapakleb ken saanen nga aggargaraw.
Babaen iti tulong dagiti karruba ken kabaggianda, impanda nga immuna iti pagtaenganda sakbay a naipan iti ospital ngem naideklarar a dead on arrival.
Mapapati a nagsagaba iti mild stroke ti biktima gapu iti kinabartekna ket nakita nga adda dunor iti akin-kannigid a kidayna.
