Nakemmeg ti maysa a mannalon iti naiwayat a buy-bust operation iti maysa a drug cleared barangay iti siudad ti Candon, Ilocos Sur.
Ti suspek ket agtawen iti limapulo ket maysa, agnaed iti nasao a siudad.
Nakumpiskar manipud iti suspek ti 0.2 gram ti mapapati a shabu nga aggatad iti P1,360 a naikabil iti maysa a piraso ti immatiddug a heat sealed transparent plastic sachet a nagserbi kas buy-bust item.
Dagiti non-drug evidence ket pakairamanan ti maysa a genuine a 1000-peso bill a nagserbi a buy-bust money, cellphone, lighter, caliber 38 revolver, innem a piraso ti bala para iti caliber 38, motorsiklo, P218 a personal a kuarta ken maysa a supot.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Acts of 2002.
