--Ads--
Nakemmeg ti maysa a mannalon iti naisayangkat a checkpoint operation idiay Barangay Macabiag, Sinait, Ilocos Sur.
Ti suspek ket agtawen iti duapulo ket siam, residente ti Badoc, Ilocos Norte.
Basar iti imbestigasion, pinara dagiti pulis ti suspek gapu ti saan na a panagisuot ti protective helmet ken panagaramat ti reflectorized vest kabayatan ti panagmaneho na ti motorsiklo.
Bayat ti verification, boluntario a linukatan ti suspek ti compartment ti motorsiklo na ket dituy a mapapati a nakita ti pulis ti glass toother ken small sachet a mappati a naglaon ti maysa a gramo ti shabu a nakaikabil iti karton ti sigarilyo.
-- ADVERTISEMENT --
Naala pay dagiti non-drug evidence a tallo a piraso ti P1, 000, lighter, karton ti sigarilyo ken motorsiklo.
