Nakurang nga P800,000 a gatad ti mapapati a shabu, ken bala ti paltog ti nakumpiskar dagiti pannakabagi ti linteg iti naiwayat a buy-bust operation iti ili ti Narvacan.
Ti suspek ket maysa a mannalon, agtawen iti uppat a pulo ket dua, agnaed iti ili ti Bantay.
Nakumpiskar manipud iti suspek ti nasurok-kumurang 117.5 a gramo ti mapapati a shabu nga aggatad iti P799,000 a naikabil iti 6 a heat-sealed transparent plastic sachet, nagserbi kas buy-bust item ken possession.
Malaksid dayta, adda pay 2 a piraso ti machine copy ti P1,000 nagserbi kas buy-bust money, 2 a machine copy ti P500 a buy-bust money, sling bag, 1 a piraso ti live ammunition ti caliber 45, transparent sachet, gtetteng, plastic straw, tube pipe, crumpled aluminum foil, 3 a piraso ti live ammunition ti 12 gauge shotgun, lighter, self-sealing transparent plastic sachet ken rolled elongated foil.
