VIGAN CITY- Saanen nga agawat ti Philippine Crop Insurance Corporation ti applikasyon para kadagti agpa insured ti mula ken taraken na ta lukatan danto laeng ti aplikasyon, pito nga aldaw kalpasan ti panagduprak ti Bagyo Ompong.
Segun kenni Mercury Pascua ti PCIC, saanen a mabalin a kumamakam dagiti saan pay a nainsured ti mula ken taraken da ta adda ti sursuruten da nga aldaw no kaano da laeng nga agala ti applikasyon
Kabayatanna, para kadagiti met nakainsured ti mula na ket mabalin dan nga agclaim iti las-od ti dwa pulo nga aldaw kalpasan iti panagduprak ti bagyo.
Ti sabali a bangir, inpanamnama ni Pascua nga inton Nobiyembre ket posible nga addan to ti claims dagiti mannalon nga apektado ti mula da iti panagduprak ti habagat ta abuten ti sumurok kumurang innem a pulo nga aldaw ti proseso na idiay regional office.
