VIGAN CITY – Maysa a mannalon iti nabagkong idiay Sitio Cabaroan, Brgy. Cabaritan, Sto. Domingo.
Segun ti Sto. Domingo Municipal Police Station, ti biktima ket ni Filomeno Tablatin Tagalan, agtawen iti limapulo ket tallo, naasawaan, mannalon nga agnaed iti nasao a lugar idinto a ti suspek ket ni Gilbert Olivas Duyao, agtawen iti limapulo, addaan ti live-in partner a tubo idiay Barangay Iringan, Allacapan, Cagayan nga agdama nga agnanaed idiay Brgy. Cabaritan, Sto. Domingo.
Naginom iti sari-sari store dagiti dua iti nasao a lugar idi adda iti saanda a nagkinnaawatan maipapan ti trabahoda ta agpadada a helper iti rice-harvester.
Ti suspek ket armado iti kutsilyo nga isu iti inusarna a pinangbagkong ti biktima iti naming-ano a daras isu nga insigida a naiapnm ti biktima iti Tolentino Clinic and Hospital ngem naiyakar iti Ilocos Sur Provincial Hospital Gabriela Silang para iti pannakatamingna.
Narekubre dagiti pannakabagi ti linteg iti kutsilyo a 23 cm iti kaatiddogna.
Kabayatanna, ti nakemmeg a suspek ket naipan iti ospital para iti medico legal examination ngem naipan met la insigida iti Police Station karamanen ti naaramat a kutsilyo para iti proper documentation ken proper disposition.
