VIGAN CITY – Dead on arrival ti maysa a mannalon a babai gapu iti pannakalmesna idiay Brgy. Poblacion, Quirino.
Nabigbig ti biktima a ni Monica Galla Crisostomo, agtawen ti limapulo ket siam, naasawaan, nga agnaed idiay Sitio Iteb, Brgy. Malideg, Quirino.
Maibasar iti pakpaka-una nga imbestigasyon dagiti pannakabagi ti linteg, kadua ti biktima ti apona a nagmaneho ti motorsiklo a nangdalyasat iti spill way iti igid ti Abra River idin nagiddep ti motor isu a naigalis ken natumbada a gappuanan iti pannakayanudda.
Nakalangoy a nagpa-igid ti driver idinto a ti biktima ket nalmes isu a nagresponde iti PNP, BFP ken MDRRMC personnel ket impanda ti biktima iti Quirino Primary Health Care Facility, Quirino ngem naipakammo a pimmusay babaen ti panangideklarar ni Dr. George Querer a Chief of Hospital.
