--Ads--
Saanen nga immanugot ti pamilia ti maysa a mannalon a natay gapu iti pannakakimatna idiay Barangay Dirdirig, Burgos, Ilocos Sur a maidalan iti autopsy ti biktima.
Ti mannalon ket agtawen iti innem a pulo ket pito, taga-Barangay Luna, iti nasao nga ili.
Iti pannaki-uman ti Bombo Radyo Vigan ken ni Police Captain Allan Reoliquio, mamati ti pamilia ti mannalon a natay daytoy gapu iti pannakakimatna kabayatan iti panagalana iti bisikol iti kataltalunan.
Nadanonan dagiti nagresponde a saanen nga aggargaraw ti biktima, adda dara iti bagina ken napuoran ti badona a pagilasinan a nakimat.
-- ADVERTISEMENT --
