--Ads--
Makaawat iti sag-sangapulo a ribo a pisos a tulong manipud iti gobierno dagiti mannalon a nalugi gapu iti nalaka a presio ti irik.
Dayta ti pinasingkedan ni Presidente Ferdinand Marcos Jr. kadagiti mannalon idiay Cagayan Valley kalpasan a binisitana ti Union Water Impounding Dam idiay Claveria, Cagayan.
Segun ken ni Marcos, ammona ti pannakalugi dagiti mannalon gapu iti nalaka a gatang dagiti rice trader iti apitda nga irik, isu a plano ti gobierno nga ipaayan iti sag-sangapulo a ribo a pisos dagiti nalugi a mannalon.
Inlawlawag ti presidente a ti mangdiktar iti presio ti bagas ket ti imported rice, isu a bantayan ti gobierno tapno saan a maapektaran dagiti lokal a mannalon.
-- ADVERTISEMENT --
