VIGAN CITY – Dead on arrival ni Jessie Montero Palapala, agtawen iti limapulo ket lima, mannalon, agnaed iti Barangay Bahet, San Ildefonso gapu ti pannakakimatna.
Iti pannaki-uman ti Bombo Radyo Vigan ken ni Police Captain Alberto Ramos Jr., manarimaan ti panagkuliglig ti biktima ken agraraep met dagiti kakaduana idi nagtudo a nabuyogan iti panagkimat.
Gapu dayta, insardengda pay laeng ti ar-aramidenda ket napakadaan pay laeng ti biktima ti umun-una a kimat ngem idi itakdang koman ti biktima ti kuligligna ket isu met ti isasangbay ti maikadua a kimat a nakapuntaanna.
Dagus a nagresponde dagiti pannakabagi ti linteg iti lugar ngem naitarayen iti ospital ti biktima idi makadanonda.
Nupay kasta, atapen dagiti doktor nga internal ti napakaruan iti pannakakimat ti biktima agsipud ta awan met ti pagilasinan iti pisikal kenkuana a daytoy ket nakimat.
