Pinasingkedan ti Philippine Institute of Volcanology and Seismology a dagiti nagsasaruno a gingined iti kabaybayan iti Ilocos Sur gapu iti panaggaraw iti Manila Trench, ket posible a mangitunda iti napigsa a gingined nga umabot iti magnitude 8.4.
Ti pasamak ket mabalin a mangitunda iti dalluyon a 3 ken 15 metro ti kangatona, a posible nga umabot iti probinsia ti Zambales, Pangasinan, La Union, Ilocos Sur, Ilocos Norte, ken Cagayan iti uneg ti dua agingga sangapulo ket lima a minutos.
Mapatta-patta pay a tumama iti Palauig, Zambales iti las ud ti dua a minutos, nga adda kangato ti dalluyonna a 14.7 meters, manamnama iti Vigan City.
Sipud December 17 ket nakaiarekord ti PHIVOLCS iti 49 a gingined iti Sta. Catalina a ti kapigsana ket 1.8 agingga 5.0 magnitude.
Nagballaag ti PHIVOLVS kadagiti umili nga agalerto no bilang adda panagbaliw iti lebel ti kabaybayan, wenno ti saan a gagangay nga uni manipud iti kabaybayan.
