Nakaituding a maisayangkat iti online ti arraignment ken ni dati a Negros Oriental Rep. Arnolfo Teves Jr. inton June 10, 2025 iti alas dos iti malen kas kinuna ti National Bureau of Investigation.
Ti arraignment ket maisayangkat iti sangwanan ti Manila Regional Trial Court Branch 51 ket sangwen ni Teves iti sangapulo a bilang ti kaso a murder, sangapulo ket tallo a bilang ti frustrated murder, ken lima a bilang ti attempted murder.
Dagiti nasao a kaso ket adda pakainaigan ti pammapatay idi March 4, 2023 idiay Pamplona, Negros Oriental a nakatayan ni daydi Governor Roel Degamo ken siam pay a dadduma pakairamanan dagiti adu a nadundunor.
Ni Teves ket naideklrar a terorista ken nainaganan nga akin-utek iti krimen.
Idi Huebes, Hunyo 5, immunan nga impasango ni Teves iti Manila Regional Trial Court Branch 12 kadagiti kaso nga adda pakainaigan iti illegal a panagidulin kadagiti paltog ken pagpabettak.
