Awan pay ti makuna ti Manila Police District inaig iti inruar a report ti Forbes Advisor a maikalima ti Manila kadagiti kadelikadoan a lugar iti intero a lubong para kadagiti turista
Segun kenni MPD Public Information Office Chief Major Philipp Ines, saanda paylaeng a mangiruar ti reaksyon ta masapolda pay a maamoan nu kaano ke ania ti naaramat a pangibasaranda iti nairuar a report
Rumrumar pay a ti Manila ti kangatoan iti natural disaster risk, maikalima kadagiti kangatoan ti peggad a maipaayna iti personal security ken maikapito iti kangatoan a pangta iti seguridad iti salun-at
Adda met iti umuna a listaan ti Caracas City idiay Venezuela ti naibilang a kadelikadoan a lugar kadagiti turista manipud iti innem a pulo nga international cities idinto a ti Singapore ti naibilang a katalgedan a lugar para kadagiti gangannaet.
