Masimpan ti Manila Central Post Office a nakaru a naapektaran iti uram idi 2023.
Ti addang ket kalpasan a nagpirma ti Memorandum of Agreement ti Department of Public Works and Highways (DPWH) ken Philippine Postal Corporation para iti maisayangkat a retrofitting ken restoration.
Ti addang ket kasaruno payen iti bilin ni President Ferdinand Marcos Jr. nga idauluan ti rehabilitasyon iti historical building.
Segun ken ni DPWH Secretary Vince Dizon, ipangruna iti DPWH ti Phase 1 ti restoration ti Manila Central Post Office Project karamanan ti pannakasimpa iti façade wenno sangwanan iti pasdek iti kabiitan a panawen.
Makitinnulong met iti DPWH iti National Commission for Culture and the Arts (NCCA) tapno masigurado a mapagtalinaed iti historical value-na.
Ti Manila Central Post Office ket maibilang a maysa kadagiti iconic structure iti Manila ngem nauram idi 2023 ken inabot iti nasurok tallopulo nga oras sakbay a nadepdep iti apoy.
