Plano ti grupo a Mananakay at Nagkaisang Terminal ng Transportasyon a mangisayangkat iti tallo nga aldaw a transport strike inton sumaruno a lawas.
Segun ken ni Mar Valbuena, sungbat daytoy iti panangip-ipit kadakuada ti Lans Transportation Franchising and Regulatory Board ken Land Transportation Office a maparparigatanda iti panangiproseso kadagiti dokumento.
Kunana a maikontra daytoy iti kari ti Department of Transportation sipud ni Sec. Vince Dizon pay laeng ti mangidadaulo iti nasao nga ahensia.
Isayangkatda inton Martes, Mierkoles, ken Huebes ti nasao a transport strike a sumalian pay dagiti dadduma a grupo.
Gapu dayta, kinuna ni Valbuena a posible a mayatiddug ti addang depende iti sitwasyon.
Nagkiddaw iti panagawat iti publiko ti MANIBELA ta apektado pay dagiti pasahero iti panangip-ipitda kadakuada.
