--Ads--
Inawagan ti transport group a Manibela a “limos” ti piso a nagpangatoan ti plete iti jeep nga inaprubaran ti Department of Transportation kasaruno ti panagpangato ti langis gapu iti riribuk iti Middle East.
Maibasar iti waragawag ni DOTr Acting Secretary Giovanni Lopez, agbalin a P14 ti base fare kadagiti tradisional a jeep, idinto a ngumato met iti P2 ken agbalin a P17 ti base fare iti modern jeepney.
Maipatungpal ti panagpangato ti plete inton Huebes, Marso 19, 2026.
