--Ads--
VIGAN CITY – Nakemmeg ni Ruben Eligio, agtawen iti uppat a pulo ket innem, mangngalap a taga-Kamuslinan, Apatot, San Esteban gapu ti panaglabsingna iti municipal ordinance.
Impakaammo ti fish warden ti Santiago kadagiti kameng ti Santiago Police Station nga adda iligal nga agkalkalap iti nasao a lugar.
Nagresponde dagiti pannakabagi ti linteg ket naaktuan ti suspek nga agkalkalap nga awan ti permit-na manipud iti ili ti Santiago nga isu ti nakatiliwanna.
Naipan iti Candon General Hospital, Candon City ti suspek ngem nayakar met laeng idiay Santiago Police Station para ti husto a disposisyon.
-- ADVERTISEMENT --
