VIGAN CITY – Nasarakan a natay iti motorized banca-na ti mangngalap a ni Antony Saribay Somejo, agtawen iti uppat a pulo ket lima, taga-Barangay Daclapan, Cabugao.
Nakaawat iti tawag ti Cabugao Police Station nga adda lalaki a nakadasay iti motorized banca iti nasao a lugar.
Segun iti kadua ti biktima a ni Willy Ancheta, alas dyes iti bigat ti June 9 idi napanda iti taaw nga agkalap ket idi alas syete iti rabii iti isu met laeng nga aldaw, nagpakada ti biktima iti kaduana nga agawiden.
Kalpasan iti tallo nga oras, nagawid ni Agustos ken ni Jesus Darang ngem idi makasangpetda iti alas dyes kinse iti rabii iti nasao met laeng a petsa, saandan a nakita ti motorized banca ti biktima.
Sinaludsodda ti asawa ti biktima ngem kunana a saan pay a nagawid.
Alas sais iti agsapa ti June 10, napan iti taaw ni Agustos tapno sapulen ti kaduada, ket nasarakanda ti biktima a nakadasay iti motorized banca-na.
Intakdangda ti bangka ket dagus nga intarayda ti biktima iti Suero General Hospital ngem naideklarar a dead on arrival.
